Hot, കേരളം, പുതിയ വാർത്തകൾ

ടിപ്പു സുല്‍ത്താന്‍ യഥാര്‍ത്ഥ രാജ്യ സ്‌നേഹിയാണ് ; ടിപ്പു അനുസ്മരണം കേരളത്തിലും

കണ്ണൂർ: ( www.k-onenews.in ) ടിപ്പു സുല്‍ത്താന്‍ അനുസ്മരണം കേരളത്തിലും സംഘടിപ്പിക്കുന്നു. ടിപ്പു യഥാര്‍ത്ഥ രാജ്യസ്‌നേഹിയാണ് എന്ന തലക്കെട്ടില്‍ കണ്ണൂരിലാണ് പരിപാടി സംഘടിപ്പിക്കുന്നത്. യൂത്ത് കോണ്‍ഗ്രസ് കണ്ണൂര്‍ ലോക്‌സഭ മണ്ഡലം കമ്മറ്റിയാണ് ടിപ്പു സുല്‍ത്താന്‍ അനുസ്മരണം സംഘടിപ്പിക്കുന്നത്. നവംബര്‍ 12 ന് കണ്ണൂര്‍ ചേമ്പര്‍ ഹാളിലാണ് പരിപാടി സംഘടിപ്പിക്കുന്നത്.

ടിപ്പു സുല്‍ത്താനെ സര്‍ക്കാര്‍ അനുസ്മരിക്കുന്നതിനെ ആര്‍എസ്എസ് എതിര്‍ത്തതോടെ ശ്രദ്ധാ കേന്ദ്രമായി മാറിയ കര്‍ണ്ണാടകയിലെ യൂത്ത് കോണ്‍ഗ്രസ് പ്രസിഡണ്ട് റിസ്വാന്‍ അര്‍ഷാദ് ആണ് അനുസ്മരണം ഉദ്ഘാടനം ചെയ്യുന്നത്.

അഡ്വ: മാത്യു കുഴല്‍നാടന്‍ ആണ് അനുസ്മരണ പ്രഭാഷണം നടത്തുന്നത്. തുടര്‍ച്ചയായി രണ്ടാം തവണയും ടിപ്പു സുല്‍ത്താനെ കര്‍ണാടക സര്‍ക്കാര്‍ അനുസ്മരിക്കുമ്പോള്‍ പ്രതിഷേധവുമായി രംഗത്തുണ്ട്. എന്നാല്‍ അനുസ്മരണ പരിപാടികള്‍ നടത്തുമെന്നു തന്നെയാണ് മുഖ്യമന്ത്രി സിദ്ധാരാമയ്യയുടെ തീരുമാനം.

Previous ArticleNext Article