Hot, കേരളം, ദേശീയം, പുതിയ വാർത്തകൾ

ജിയോ പ്രൈം ഓഫർ കാലാവധി വീണ്ടും നീട്ടി; കൂടെ സമ്മര്‍ സര്‍പ്രൈസ് ഓഫര്‍ പ്രഖ്യാപിച്ചു

(www.k-onenews.in) ജിയോ പ്രൈം മെമ്പര്‍ഷിപ്പിനുള്ള കാലാവധി ഏപ്രില്‍ 15 വരെ നീട്ടി. പ്രൈം മെമ്ബര്‍ഷിപ്പ് എടുക്കുന്നവര്‍ക്ക് ജൂലൈ വരെ സൗജന്യ സേവനം ലഭിക്കും. ജിയോ സമ്മര്‍ സര്‍െ്രെപസ് എന്ന ഓഫറാണ് റിലയന്‍സ് പ്രഖ്യാപിച്ചത്. ഏപ്രില്‍ 15നുളളില്‍ 303 രൂപയോ അതിന് മുകളിലോ ഉള്ള പ്ലാനുകള്‍ തെരഞ്ഞെടുത്താലാണ് മൂന്ന് മാസം സൗജന്യം ലഭിക്കുക.
ആറു മാസം സൗജന്യ സേവനം നല്‍കിയ ശേഷം നാളെ മുതല്‍ ചാര്‍ജ് ഈടാക്കും എന്നാണ് ഇതു വരെ കമ്ബനി അറിയിച്ചിരുന്നത്. ഈ സാഹചര്യത്തില്‍ ഉപഭോക്താക്കള്‍ക്ക് ആശ്വാസം പകരുന്നതാണ് റിലയന്‍സിന്റെ പുതിയ അറിയിപ്പ്.
പ്രൈം മെമ്ബര്‍ഷിപ്പ് എടുക്കാനുള്ള കാലാവധി ഇന്നവസാനിക്കുമ്ബോഴും ഉപഭോക്താക്കളില്‍ ഭൂരിഭാഗവും പുതിയ പ്ലാനില്‍ അംഗമായിട്ടില്ല.
ഈ സാഹചര്യത്തില്‍ കമ്പനി ലക്ഷ്യിമിട്ട 100 മില്ല്യണ്‍ എന്ന അക്കത്തിലേക്ക് ഉപഭോക്താക്കളുടെ എണ്ണം ഉയര്‍ത്താനാണ് പ്ലാനുകള്‍ നീട്ടുന്നതെന്നാണ് സൂചന.
ജിയോയുടെ കടന്നുവരവിനു ശേഷം ടെലിക്കോം രംഗത്ത് നിരവധി മാറ്റങ്ങള്‍ വന്നിരുന്നു. എയര്‍ടെല്‍, ഐഡിയ, വോഡഫോണ്‍, ബിഎസ്‌എന്‍എല്‍ തുടങ്ങിയ മുന്‍ നിര സേവനദാതാക്കളില്‍ നിന്ന് ഉപഭോക്താക്കള്‍ വ്യാപകമായി ജിയോയിലേക്ക് മാറിയിരുന്നു. എന്നാല്‍ ജിയോയുടെ ആറുമാസം നീണ്ടു നിന്ന ഓഫര്‍ അവസാനിക്കാനിരിക്കെ മികച്ച പ്ലാനുകളുമായി സേവനദാതാക്കള്‍ രംഗത്തെത്തിയതും ജിയോയ്ക്ക് വെല്ലുവിളിയായി.
നിലവില്‍ കമ്പനി ഉപഭോക്താക്കളുടെ സ്വാഭാവം നീരീക്ഷിക്കുകയാണ് ജീയോ. എത്രപേര്‍ ഇതുവരെ താരിഫ് പ്ലാനുകളിലേക്ക് മാറി, എത്ര പേര്‍ സിം ഉപേക്ഷിക്കും, എത്രപേര്‍ പോര്‍ട്ടബിലിറ്റി ഉപയോഗിക്കും തുടങ്ങിയവയാണ് കമ്പനി പരിശോധിക്കുന്നത്.

Previous ArticleNext Article