Hot, ദേശീയം, വിനോദം

മഹാനഗരങ്ങളിൽ ഒന്നായ മുംബൈയില്‍ ആദ്യമായി എത്തുന്നവര്‍ അറിയാന്‍

മുംബൈ: (www.k-onenews.in) ലോകത്തിലെ തന്നെ മഹാനഗരങ്ങളിൽ ഒന്നാണ് മുംബൈ. മുംബൈ നഗരത്തിൽ എത്തിയാൽ ചിലർക്ക് വീർപ്പുമുട്ടും. എപ്പോഴും തിരക്ക്, എവിടേയും തിരക്ക്. ബസിലും ട്രെയിനിലും കടകളിലും തിരക്കോട് തിരക്ക്. വല്ലാത്ത ഒരു അവസ്ഥ തന്നെ ആയിരിക്കും. എങ്ങും ആൾകൂട്ടവും ബഹളവും മാത്രം.

ആദ്യമായി നിങ്ങൾ മുംബൈയിൽ എത്തുകയാണെങ്കിൽ ഈ തിരക്കിൽ നിന്ന് ഒന്ന് ഒഴിഞ്ഞു മാറാൻ ആഗ്രഹിക്കാറില്ലെ. മുംബൈയിലെ തിരക്കിൽ നിന്ന് ഒഴിഞ്ഞുമാറാനും മുംബൈയുടെ സൗന്ദര്യം ആസ്വദിക്കാനും പറ്റിയ സ്ഥലങ്ങൾ എതൊക്കെയെന്ന് നോക്കാം.


ന്യൂയോർക്കിലാണ് പ്രശസ്തമായ സെൻട്രൽ പാർക്ക് സ്ഥിതി ചെയ്യുന്നത് ഇതിൽ നിന്ന് ആശയം ഉൾക്കൊണ്ട് കൊണ്ട് നിർമ്മിച്ച ഒരു പാർക്ക് മുംബൈയിലും ഉണ്ട്. സെൻട്രൽ പാർക്ക് എന്ന് തന്നെയാണ് ഇതിന്റേയും പേര്. അധികം ജനത്തിരക്കില്ലാത്ത ഈ സ്ഥലത്ത് വെറുതെ ഇരിക്കുകയോ കാഴ്ചകൾ കണ്ട് നടക്കുകയോ ചെയ്യാം.

80 ഹെക്ടര്‍ സ്ഥലത്ത് പരന്നുകിടക്കുന്ന ഈ പാർക്കിൽ ഒരു തീംപാർക്കിന്റെ നിർമ്മാണം പൂർത്തിയായിക്കൊണ്ടിരിക്കുകയാണ്. ഗോൾഫ് കോഴ്സും ഇവിടെയുണ്ട്.

മുംബൈയിലെ ഏറ്റവും പ്രശസ്തമായ ബീച്ച് ആണ് ജൂഹു. ബാന്ദ്രയില്‍ നിന്നും 30 മിനിറ്റ് സഞ്ചരിച്ചാല്‍ ഇവിടെ എത്താം. ബോറടിക്കാൻ മാറ്റൻ പറ്റിയ ഒരു സ്ഥലമാണ് ഈ ബീച്ച്.

ബീച്ച് രുചികള്‍, മുബൈയുടെ മറ്റ് തനതുരുചികളെല്ലാം പരീക്ഷിച്ച് കടല്‍ത്തീരത്ത് നടക്കുകയോ വിശ്രമിക്കുകയോ ഒക്കെ ചെയ്യാം. ഗോലകളാണ് ഇവിടുത്തെ പ്രധാന ആകര്‍ഷണങ്ങളിലൊന്ന്. നിറങ്ങളണിഞ്ഞ് നില്‍ക്കുന്ന ഗോലകള്‍ കണ്ടാല്‍ നമ്മള്‍ പ്രായം മറക്കുമെന്നുറപ്പാണ്.

വെറുതേ ബോറടിച്ചിരിക്കുമ്പോൾ പോകാൻ പറ്റിയ മറ്റൊരു സ്ഥലമാണ് നെഹ്രു മ്യൂസിയം. ഇതിന് അടുത്തായി ഒരു പ്ലാനറ്റേറിയവും ഉണ്ട്. ഹാജി അലി ജ്യൂസ് സെന്റര്‍, ആട്രിയ മാള്‍ എന്നിവ ഇതിനടുത്താണ്.

മുംബൈ നഗരത്തിലൂടെ അലഞ്ഞ് നടന്നെങ്കിൽ നിങ്ങൾക്ക് ജ്യൂസ് കുടിക്കാൻ ഒരു സ്ഥലമുണ്ട്. ജ്യൂസുകൾക്ക് പേരു കേട്ട സ്ഥലമാണ് ഇത്. ഹാജി അലി പള്ളിയിലേക്ക് പോകുന്ന വഴിയിലാണ് ഈ ജ്യൂസ് സെന്റർ സ്ഥിതി ചെയ്യുന്നത്.

കാല്‍നടയാത്രക്കാര്‍ക്കും, പള്ളിയിലെത്തുന്നവര്‍ക്കും, നിശാപാര്‍ട്ടിക്ക് പോകുന്നവർ തുടങ്ങി നിരവധിപ്പേർ ജ്യൂസ്കുടിച്ച് ദാഹം മാറ്റാൻ ഇവിടെ എത്താറുണ്ട്.

മുംബൈയിലെ ഹാജി അലി പള്ളി എന്ന മുസ്ലീം പള്ളിക്ക് ചില പ്രത്യേകതകൾ ഉണ്ട്. ബോറടിക്കുവാണെങ്കിൽ ആ പള്ളിയൊന്ന് കാണാം. വെള്ളത്തിലൂടെ ഉയര്‍ത്തിക്കെട്ടിയ റോഡിലൂടെ നടന്നുവേണം പള്ളിയിലെത്താന്‍. വെള്ളത്തിന് നടുക്കായാണ് പള്ളി നിർമ്മിച്ചിരിക്കുന്നത്.

ജാതിമത ഭേദമില്ലാതെ ആളുകള്‍ സന്ദര്‍ശിയ്ക്കുന്ന സ്ഥലമാണെങ്കിലും വെള്ളിയാഴ്ച ദിവസം ഇവിടെ പോകുന്നത് നല്ലതല്ല. വെള്ളിയാഴ്ച നമസ്കാരത്തിന് എത്തുന്ന വിശ്വാസികളുടെ തിരക്കുണ്ടാവും.
Photo Courtesy: Tewaryan

Previous ArticleNext Article